Hokkeı: «Barys» óz alańynda ese jiberip aldy
ASTANA. 14 qyrkúıek. QazAqparat - Keshe keshqurym Astanadaǵy «Qazaqstan» sport kesheninde Qurlyqtyq hokkeı lıgasy aıasynda elordalyq «Barys» Qazannyń «Aq Bars» komandasyn qabyldady.
Oıyn qonaqtardyń basymdyǵymen aıaqtaldy.
Atap aıtqanda, bul tartysty dodanyń birinshi kezeńinde, ıaǵnı alǵashqy jıyrma mınýttyq oıynda qarsylastar teń túsip, esep ashýǵa múmkindik bolmady. Alaıda, ekinshi kezeńde «Aq Bars» hokkeıshileri jaýapsyz eki shaıbany qatarynan salyp, alǵa shyqty. Úshinshi kezeńde qonaqtar taǵy bir shaıbany qaqpaǵa týralady. Oıynnyń 54-shi mınýtynda ǵana astanalyq hokkeıshiler esep ashty. Osydan keıingi ýaqytta «Barys» komandasy belsendi oıyn órnegin kórsetkenimen esepti eseleı almady. Sonymen bul jolǵy kezdesýde 1:3 esebimen «Aq Bars» jeńiske jetti.
