Hokkeı: «Barys» óz alańynda «Avtomobılıstti» qabyldaıdy
ASTANA. 21 qyrkúıek. QazAqparat - Erteń, 22 qyrkúıek kúni Astana qalasynyń «Barys» hokkeı klýby óz alańynda «Avtomobılıst» (Ekaterınbor) komandasyn qabyldaıdy.
Aıta keteıik, sońǵy oıynda «Barystyń» hokkeıshileri syrt alańda «ıÝgra» (Hanty-Mansıısk) komandasyn 6:2 esebimen jeńip, búginde 15 upaımen jalpy týrnırlik kestede úshinshi orynǵa kóterilip otyr. Astanalyq klýbtan tek «SKA» (Sankt-Peterbor) jáne «Dınamo» (Máskeý) sııaqty lıganyń azýly komandalary ǵana joǵary tur. Alaıda qarsylastardyń qaqpasyna soǵylǵan shaıbalardyń sany jaǵynan qazaqstandyq klýb oq boıy ozyq keledi. Onyń enshisinde 33 shaıba bar. Al «Barystyń» erteńgi qarsylasy - Ekaterınbor qalasynyń «Avtomobılıst» komandasy sońǵy alty oıynda úsh ret jeńiske jetip, 9 upaımen jalpy týrnırlik kestede 16-shy orynǵa jaıǵasty. Ol qarsylastardyń qaqpasyna 14 shaıba salyp, óz qaqpasyna 16 shaıbany jiberip aldy. «Barys» - «Avtomobılıst» oıyny Astanadaǵy «Qazaqstan» sport saraıynda keshki saǵat 17:00-de bastalady. Ony «KAZsport» telearnasynan tikeleı efır arqyly kórýge bolady.
