Hokkeı: «Barys» overtaımda «Salavat ıÝlaevty» utyp, pleı-off kezeńine joldama aldy
ASTANA. QazAqparat - Qurlyqtyq hokkeı lıgasynyń kezekti matchynda Astananyń «Barysy» óz aıdynynda Ýfanyń «Salavat ıÝlaev» komandasyn qabyldady, dep habarlaıdy QazAqparat tilshisi.
«Salavat ıÝlaev» - QHL-daǵy myqty komandalardyń biri. «Barys» 67 upaımen Shyǵys konferentsııasynda besinshi orynda kele jatsa, odan alty upaıy kem bashqurtstandyq komanda altynshy satyǵa jaıǵasqan-dy.
Matchtyń tartysty bolǵany sondaı, qarsylastar úsh kezeń boıy bir-biriniń qaqpasyn ala almady. Qonaqtar aıdynnan jıirek qýylǵanymen, Andreı Skabelkanyń shákirtteri urymtal sátterdi múlt jiberdi.
Overtaım da «Barystyń» san basymdylyǵymen bastalǵanymen, ony aıdyn ıeleri paıdalana almady. Degenmen kóp uzamaı kanadalyq Patrıs Korme jeńis golyn soqty - 1:0.
Osylaısha upaı sanyn 69-ǵa jetkizgen astanalyqtar pleı-off kezeńine merziminen buryn shyqty.
Eske sala keteıik, budan buryn «Barystyń» óz aıdynynda Máskeýdiń «Spartagyna» ese jibergenin jazǵan bolatynbyz.
