Hokkeı: «Barys» overtaımda reseılik «Metallýrgti» jeńdi
NUR-SULTAN. QazAqparat - Qurlyqtyq hokkeı lıgasy aıasynda «Barys» búgin, 30 jeltoqsanda elordada Reseıdiń «Metallýrg» (Magnıtogorsk) komandasymen kezdesti, dep habarlaıdy QazAqparat tilshisi.
Oıyn barysynda elordalyq hokkeıshilerdiń basymdyǵy baıqalyp turdy. Birinshi kezeńniń 12-mınýtynda Mett Frettın mergendigimen kózge tústi.
Aıta keterligi, bul hokkeıshi úsh kezdesýde qatarynan gol soǵyp keledi.
Ekinshi kezeńde de «Barys» hokkeıshileri kóbirek shabýyldady. Degenmen keıbir sátterde múmkindikterin múlt jiberip aldy.
Al 23-mınýtta elordalyq Dıllon Hıterıngton esepti ústemeleı tústi. Oıynnyń 37-mınýtynda «Metallýrg» sapynan Nıkolaı Goldobın esep aıyrmasyn qysqartty.
Úshinshi kezeńde reseılik komanda tarazy basyn teńestirip ketti. Ony 59-mınýtta Egor ıAkovlev tarazy basyn teńestirdi.
Oıyn overtaımǵa ulasty. Overtaımda Mett Frettın gol soǵyp ketti.
Osylaısha «Barys» 2020 jylǵy sońǵy oıynynda jeńiske jetti.
Budan keıin elordalyq klýb týrnır kestesinde 14-orynǵa kóterildi.
Endi «Barys» úsh oıyndy syrt aıdynda ótkizedi. Aldymen 2021 jylǵy 4 jáne 6 qańtarda Reseıde «Amýr» (Habarovsk) komandasymen sheberlik baıqasady. Odan keıin 8 qańtarda «Avtomobılıst» (Ekaterınbýrg) komandasymen oınaıdy.
Esterińizge sala ketelik, «Barys» budan buryn «Cıbır» komandasynan jeńilip qalǵan edi.
