Hokkeı: «Barys» Nıjnıı Novgorodtyń «Torpedo» komandasynan utylyp qaldy
ANA. 22 qarasha. QazAqparat /Rýslan Ǵabbasov/ - Keshe elordadaǵy Qazaqstan sport saraıynda Qurlyqtyq hokkeı lıgasy aıasynda ótken dodada Astananyń «Barys» komandasy Nıjnıı Novgorodtyń «Torpedo» komandasynan býllıt nátıjesi boıynsha utylyp qaldy.
Oıynnyń birinshi kezeńinde «Barys» komandasy esep ashty, qonaqtardyń qaqpashysy Bernd Brıýklerge Talǵat Jaılaýovtyń serpigen shaıbasyn ustap qalý múmkin bolmady. Osy kezeń astanalyq komandanyń basymdyǵymen aıaqtaldy. Al ekinshi kezeńde «Torpedo» komandasy hokkeıshileriniń shabýyly údeı tústi jáne osynyń nátıjesinde olar qorǵaýshylar men qaqpashynyń osal jerip taýyp, esepti teńestirdi. Dodanyń úshinshi kezeńinde torpedolyqtar esepti eseleı tústi. Ókinishke oraı osy ýaqyt ishinde «Barys» komandasynyń úsh oıynshysy árbir eki mınýt saıyn aıyp ornyna jiberildi (42-mınýtta - Fadeev, 45- mınýtta - Dallmen, sondaı-aq 47- mınýtta - Romanov). Áýpirimmen astalyq komanda jınaqtalyp, qonaqtarmen esepti teńestirdi (2-2). Osydan keıin belgilengen qosymsha ýaqytta qos komanda da basymdyqtaryn kórsete almady. Al býllıt tartysynda qarsylas komanda hokkeıshileriniń serpigen shaıbasy «Barys» komandasynyń qaqpasynan tabylyp, osy oıynǵa núkte qoıdy. Endi kelesi oıyn 25 qarashada «Barys» pen ombylyq «Avangard» komandasynyń arasynda bolady.
