Hokkeı: «Barys» «Neftehımık» komandasyna ese jiberdi

ASTANA. QazAqparat - «Barys» Qurlyqtyq hokkeı lıgasyndaǵy kezekti oıynyn búgin elordada Reseıdiń «Neftehımık» (Nıjnekamsk) klýbyna qarsy ótkizdi, dep habarlaıdy QazAqparat tilshisi.

Alǵashqy kezeńde reseılik klýb sapynan 1-mınýtta Aksel Galımov esep ashty.

Budan keıin qazaqstandyq komanda hokkeıshileri tarazy basyn teńestirýge umtylǵan edi. Degenmen tablodaǵy esep ózgergen joq.

Ekinshi kezeńniń 23-mınýtynda Maksım Goncharov reseılik klýbtyń basymdyǵyn arttyrsa, kóp uzamaı Ilıa Hohlov esepti ústemeleı tústi.

Al 34-mınýtta «Barys» sapynan Egor Petýhov qaqpashymen betpe-bet shyǵyp, óz múmkindigin múlt jibergen joq.

Oıynnyń 59-mınýtynda qazaqstandyq komandadan Entonı Lýıs esep aıyrmasyn qysqartsa, kóp uzamaı «Neftehımık» hokkeıshisi Pavel Porıadın kezdesý núktesin qoıdy.

Osylaısha elordalyq klýb qarsylasyna 2:4 esebimen ese jiberdi.

Endi «Barys» aldaǵy oıynyn 25 qazanda Reseıde «Avangard» (Omby) komandasyna qarsy ótkizedi.

Eske salsaq, budan buryn elordalyq klýb «Metallýrg» komandasynan jeńilip qaldy.