Hokkeı: Barys-Neftehımık komandalary arasyndaǵy match Astanada ótedi

ASTANA. QazAqparat – 4 qazan, seısenbi kúni Astanada Qurlyqtyq hokkeı lıgasynyń (QHL) kezekti maýsymdyq matchy ótedi. Onda elordalyq «Barys» Nıjnekamsk qalasynyń «Neftehımık» komandasyn qabyldaıdy, dep habarlaıdy QazAqparat Sports.kz saıtyna silteme jasap.

Matchtyń tikeleı translıatsııasy Astana ýaqytymen saǵat 19:30-da bastalady, ony Qazsport telearnasynan kórýge bolady. 13 oıynnan keıin «Barys» Shyǵys konferentsııasynyń týrnırlik kestesinde 15 upaımen 6- orynda bolsa, nebary 7 upaı jınaǵan «Neftehımık» 11-orynda tur.

Sońǵy kezdesýinde «Barys» óz alańynda «Sochıden» qosymsha ýaqytta (5:4) basym tússe, «Neftehımık» syrt alańda Chelıabi qalasynyń «Traktoryn» (2:1) utty.

Foto: hcbarys.kz