Hokkeı: «Barys» «Metallýrgten» jeńilip qaldy

ASTANA. QazAqparat - «Barys» Qurlyqtyq hokkeı lıgasyndaǵy kezekti oıynyn búgin Reseıde «Metallýrg» (Magnıtogorsk) klýbyna qarsy ótkizdi, dep habarlaıdy QazAqparat tilshisi.

Qazaqstandyq komanda budan buryn segiz kezdesýdiń jeteýinde jeńilip, týrnır kestesinde tómengi oryndarǵa jaıǵasty. Sondyqtan búgingi oıyndy olar belsendi bastaǵan edi.

«Barys» sapynan Nelson Noje 23, Djeremı Brakko 28-mınýttarda gol soqty.

Al «Metallýrg» hokkeıshileri Pavel Akolzın 31, Fılıpp Maıe 35 -mınýttarda mergendik tanytyp, tarazy basyn teńestirdi.

Negizgi kezeń 2:2 esebimen teń aıaqtalyp, oıyn overtaımǵa ulasty. Overtaımda da jeńimpaz anyqtalǵan joq. Býllıtte «Metallýrg» mergendik tanytty.

Osylaısha elordalyq klýb qarsylasyna ese jiberdi.

Endi «Barys» 13 qarashada Reseıde «Salavat ıÝlaev» (Ýfa) komandasymen kezdesedi.

Eske salsaq, budan buryn «Barys» elordada «Vıtıaz» klýbynan jeńilip qaldy.

Foto: sports.kz