Hokkeı: «Barys» «Metallýrg» quramasyna ese qaıtardy
ASTANA. 3 naýryz. QazAqparat - Qurlyqtyq hokkeı lıgasynyń pleı-off serııasynda «Metallýrg» quramasymen ekinshi kezdesýdi ótkizgen astanalyq «Barys» 4:1 esebimen jeńiske jetti.
Match bastalysymen «Barys» óz qarsylastaryn shabýyldaýmen boldy. Osynyń arqasynda oıynnyń 6-shy mınýtynda Lýkash Kashpar «Metallýrgtyń» qaqpasyna alǵashqy shaıba salyp, esepti ashty. Magnıtogorlyqtar esep tarazysyn teńestire bildi. Biraq birinshi kezeń aıaqtalmaı-aq Andreı Gavrılın qarsylastardyń qaqpashysyn qapy qaldyryp, taǵy bir shaıbany saldy. Ekinshi kezeńde Talǵat Jaılaýov úshinshi shaıbanyń avtory atandy. Osydan keıin qarsylastar «Barystyń» qaqpasyna qyrǵıdaı tıdi. Biraq birde-bir shaıba sala almady. Matchtyń sońǵy mınýttarynda «Metallýrg» komandasy óz qaqpashysyn da shyǵaryp, esep aıyrmasyn ózgertýge tyrysty. Osy sátti sheber paıdalana bilgen barystyq Dastın Boıd bos turǵan qaqpaǵa matchtyń sońǵy shaıbasyn salyp úlgerdi. Esep 4:1.Osylaısha, Qurlyqtyq hokkeı lıgasynyń pleı-off serııasynda alǵashqy kezdesý boıynsha «Barys» esep tarazysyn teńestirdi. Buǵan deıingi oıynda qazaqstandyq hokkeıshiler «Metallýrg» quramasynan 2:3 esebimen utylǵan bolatyn.
