Hokkeı: «Barys» «Metallýrg» komandasynan jeńildi
NUR-SULTAN. QazAqparat - Qurlyqtyq hokkeı lıgasy aıasynda elordalyq «Barys» búgin, 3 aqpanda Reseıde «Metallýrg» (Magnıtogorsk) komandasymen kezdesti, dep habarlaıdy QazAqparat tilshisi.
Eki komanda týrnır kestesinde qatarlas keledi. Degenmen reseılik klýbtyń jaǵdaıy táýir. Týrnır kestesinde 51 oıynnan keıin 69 upaı jınap, 7-orynda tur. Al «Barys» 51 oıynnan keıin 60 upaımen 12-orynda keledi.
Sol sebepti qazaqstandyq klýb alǵashqy mınýttan shabýylǵa ıek artqan bolatyn. Ekinshi kezeńniń 23-mınýtynda «Barys» hokkeıshisi Kırıll Panıýkov esep ashsa, oǵan 31-mınýtta «Metallýrg» sapynan Andreı Nestrashıl tarazy basyn teńestirdi.
Al 46-mınýtta reseılik Mıhaıl Pashnın «Metallýrgti» alǵa shyǵardy. Reseılik taǵy bir hokkeıshi Nıkolaı Goldobın 54-mınýtta qorytyndy esepti belgiledi. «Barys» qarsylasyna 1:3 esebimen jol berdi.
Endi qazaqstandyq klýb 5 aqpanda Reseıde «Sıbır» (Novosibir) komandasymen kezdesse, 7 aqpanda qaıtadan «Metallýrgpen» taǵy bir oıyn ótkizedi.
Esterińizge sala ketelik, budan buryn elordalyq klýb «Barys» elordada «Avtomobılıstke» ese jiberdi.
