Hokkeı: «Barys» máskeýlik «Spartaktan» basym tústi
NUR-SULTAN. QazAqparat - Elordalyq «Barys» qurlyqtyq hokkeı lıgasy pleı-off satysyna daıyndyq maqsatynda búgin reseılik «Spartak» (Máskeý) komandasymen joldastyq kezdesý ótkizdi, dep habarlaıdy QazAqparat tilshisi.
Máskeý qalasyndaǵy «Lýjnıkı» arenasynda ótkizilgen oıynda qazaqstandyq klýb qarsylasynan 7:2 esebimen basym tústi.
Alǵashqy kezeńde «Barys» sapynan Egor Petýhov (5 jáne 8-mınýttarda) eki shaıba soqty.
Odan keıin Kertıs Volk (10-mınýt) jáne ıAkoba Berglýnda (14-mınýt) mergendigimen kózge tústi.
Ekinshi kezeńde Kırıll Savıtskıı (25-mınýt) jáne Álıhan Ásetov (32-mınýt), úshinshi kezeńde Kertıs Volk (50-mınýt) esepti ulǵaıta tústi.
Oıyn barysynda reseılik klýbtan Emıl Pettersson (12-mınýt) jáne Dmıtrıı Vıshnevskıı (32-mınýtta) eki golmen jaýap qaıyrdy.
Eske salsaq, Qurlyqtyq hokkeı lıgasynyń pleı-off satysy birinshi kezeńinde Reseıdiń «Metallýrg» (Magnıtogorsk) komandasymen sheberlik baıqasady.
Oıyndar 1-13 aqpan aralyǵynda bolady.
Jeńimpaz bir komandanyń tórt márte jeńiske jetýine deıin jalǵasady.
