Hokkeı: «Barys» máskeýlik «Spartak»-pen joldastyq kezdesý ótkizedi
NUR-SULTAN. QazAqparat - Astaannyń «Barysy» qurlyqtyq hokkeı lıgasy pleı-off satysyna daıyndyq maqsatynda búgin reseılik «Spartak» (Máskeý) komandasymen joldastyq kezdesý ótkizedi, dep habarlaıdy QazAqparat tilshisi.
Atalǵan oıyn Máskeý qalasyndaǵy «Lýjnıkı» arenasynda bolady . Bastalýy - elorda ýaqytymen 16:00. Kezdesý jankúıersiz ótedi.
Budan keıin qazaqstandyq klýbty Reseı astanasynda máskeýlik «Dınamoǵa» qarsy eki oıyn kútip tur. Atalǵan kezdesýler 22 jáne 24 aqpanǵa belgilengen.
Eske salsaq, Qurlyqtyq hokkeı lıgasy pleı-off satysy birinshi kezeńinde Reseıdiń «Metallýrg» (Magnıtogorsk) komandasymen sheberlik baıqasady. Oıyndar 1-13 aqpan aralyǵynda bolady. Jeńimpaz bir komandanyń tórt márte jeńiske jetýine deıin jalǵasady.
Aıta ketsek, «Barys» shyǵys konferentsııasynda segizinshi orynǵa turaqtasa, «Metallýrg» ekinshi orynǵa taban tiredi.
