Hokkeı: «Barys» máskeýlik «Dınamodan» overtaımda jeńilip qaldy
ASTANA. QazAqparat - Qazaqstandyq «Barys» komandasy Qurlyqtyq hokkeı lıgasyndaǵy besinshi oıynyn Reseıde «Dınamo» (Máskeý) komandasyna qarsy ótkizdi, dep habarlaıdy QazAqparat tilshisi.
Kezdesý barysynda komandalar tartysty oıyn órnegin kórsetti. Alǵashqy mınýttan shabýylǵa shyǵyp, gol soǵatyn múmkindikti izdedi.
Oıynnyń 11-mınýtynda elordalyq klýbtan Pontýs Oberg mergendigimen kózge tússe, 15-mınýtta «Dınamo» hokkeıshisi Erık O'Dell tarazy basyn teńestirdi.
Ekinshi kezeńde komandalar esepti ózgertýge bar kúshin saldy. Nátıjesinde 28-mınýtta barystyq Arkadıı Shestakov kózdegen nysanadan múlt ketken joq.
Oıynnyń 50-mınýtynda qazaqstandyq komandadan Nelson Noje basymdyqty arttyra tústi. Alaıda reseılik klýbtan Djordan Ýıl 54 jáne 56-mınýttarda eki gol soǵyp, esep teńesti.
Negizgi kezeń 3:3 esebimen teń aıaqtalyp, oıyn overtaımǵa ulasty. Overtaımda reseılik klýbtyń joly boldy - 3:4.
Aıta ketsek, elordalyq klýb Qurlyqtyq hokkeı lıgasyndaǵy budan burynǵy tórt kezdesýinde de qarsylastaryna ese jiberdi. Saldarynan týrnır kestesinde 22-orynda keledi.
Endi «Barys» elordada 16 qyrkúıekte Reseıdiń «Admıral», 18 qyrkúıekte «Neftehımık» komandalaryn qabyldaıdy.
