Hokkeı: «Barys» máskeýlik «Dınamo» komandasymen joldastyq kezdesý ótkizedi
NUR-SULTAN. QazAqparat - Elordalyq «Barys» qurlyqtyq hokkeı lıgasy pleı-off satysyna daıyndyq maqsatynda búgin reseılik «Dınamo» (Máskeý) komandasymen joldastyq kezdesý ótkizedi, dep habarlaıdy QazAqparat tilshisi.
Atalǵan oıyn Máskeý qalasyndaǵy «VTB» arenasynda bolady. Bastalýy - elorda ýaqytymen 16:00. Kezdesý jankúıersiz ótedi.
Sondaı-aq, eki komanda 24 aqpanda taǵy bir márte sheberlik baıqasady.
Aıta ketsek, budan buryn qazaqstandyq klýb reseılik «Spartak» komandasynan 7:2 esebimen basym tústi.
Eske salsaq, Qurlyqtyq hokkeı lıgasy pleı-off satysy birinshi kezeńinde Reseıdiń «Metallýrg» (Magnıtogorsk) komandasymen sheberlik baıqasady. Oıyndar 1-13 aqpan aralyǵynda bolady. Jeńimpaz bir komandanyń tórt márte jeńiske jetýine deıin jalǵasady.
