Hokkeı: «Barys» máskeýlik «Dınamo» klýbynan basym tústi
NUR-SULTAN. QazAqparat - Elordalyq «Barys» qurlyqtyq hokkeı lıgasy pleı-off satysyna daıyndyq maqsatynda reseılik «Dınamo» (Máskeý) komandasymen joldastyq kezdesý ótkizdi, dep habarlaıdy QazAqparat tilshisi.
Qazaqstandyq klýb tarapynan birinshi kezeńde Kodı Kýnık pen Valerıı Orehov mergendik tanytty. Oǵan máskeýlik klýbtan eki golmen jaýap qaıyryp, tarazy basy teńesti.
Ekinshi kezeńde qazaqstandyq Álıhan Ásetov basymdyqty arttyrdy. Degenmen reseılik klýb gol soǵyp, oıyn teń nátıjemen aıaqtaldy.
Overtaımda jeńimpaz anyqtalǵan joq. Býllıtte «Barys» jeńiske jetti. Osylaısha elordalyq klýb qarsylasynan 4:3 esebimen basym tústi.
Aıta ketsek, eki komanda 24 aqpanda taǵy bir márte joldastyq kezdesý ótkizedi.
Budan buryn qazaqstandyq klýb reseılik «Spartak» komandasynan 7:2 esebimen basym túsken edi.
«Barys» qurlyqtyq hokkeı lıgasynyń pleı-off satysynyń birinshi kezeńinde Reseıdiń «Metallýrg» (Magnıtogorsk) komandasymen sheberlik baıqasady.
Oıyndar 1-13 aqpan aralyǵynda bolady.
Jeńimpaz bir komandanyń tórt márte jeńiske jetýine deıin jalǵasady.
