Hokkeı: «Barys» máskeýlik «TsSKA» quramasyn tize búktirdi
ASTANA. 21 qyrkúıek. QazAqparat - Keshe Qurlyqtyq hokkeı lıgasy aıasynda máskeýlik «TsSKA» quramasymen kezdesken «Barystyń» jigitteri óz qarsylasyn 3:1 esebimen jeńdi.
Oıynnyń alǵashqy kezeńinde esep ashylǵan joq. Al ekinshi kezeńniń basynda qarsylas komanda Vıtalıı Eremeevti qapy qaldyryp, birinshi shaıbasyn saldy. Biraq on mınýttan keıin «Barys» tarazy basyn teńestirip qana qoımaı, 2:1 esebimen alǵa shyqty. Al úshinshi kezeńniń sońynda Konstantın Rýdenko úshinshi shaıbanyń avtory atandy. Oıynnyń nátıjesi - 3:1. Osylaısha, «Barys» óz qarsylasyn aıqyn basymdyqpen utyp, bıylǵy lıga barysynda syrt alańda alǵash ret jeńiske jetti. Qazir olardyń 8 upaıy bar.
«Barys» kelesi oıyndy erteń, qyrkúıektiń 22-si kúni Chehııanyń Praga qalasynda jergilikti «Lev» quramasymen ótkizedi.
