Hokkeı: «Barys» «Lokomotıvti» utty
ASTANA. 18 qarasha. QazAqparat /Rýslan Ǵabbasov/ - Keshe, elordadaǵy «Qazaqstan» sport saraıynda ótken dodada «Barys» hokkeı komandasy ıAroslavldiń «Lokomotıv» komandasynan basym tústi.
Týrnır kestesinde alda kele jatqan komandalardyń arasynda turaqtaǵan «Lokomotıv» oıyndy qarqyndy bastap, oqtyn-oqtyn shabýyldar jasaýmen boldy. Sonyń nátıjesinde qonaqtar besinshi mınýtta esep ashty. Osy tartysty dodanyń 49-mınýtynda astanalyq E. Fadeev qarsylasynan alańnyń ortasynda shaıbany tartyp alyp, shabýylyn sátti iske asyrý arqyly esepti teńestirdi. Sodan keıingi ýaqyttarda «Lokomotıv» taǵy bir shaıba soqty. Óz kezeginde «Barys» komandasy oıynnyń aıaqtaýlyna 6 sekýnd qalǵanda esepti qaıta teńestirdi. Negizgi oıynnan keıingi qosymsha ýaqytta qos komanda oıynshylary basymdyqtaryn kórsete almady. Tek býllıt saıysynda «Barys» komandasynyń hokkeıshileri jankúıerin qýanta aldy. Sóıtip 3:2 esebimen astanalyq hokkeı komandasy «Lokomotıvten» basym tústi. Kelesi oıyn 19 qarashada ótedi. Onda «Barys» Máskeý oblysynyń «Atlant» komandasymen tartysqa túsedi.
