Hokkeı: «Barys» «Lokomotıvten» ese qaıtardy
NUR-SULTAN. QazAqparat - «Barys» qurlyqtyq hokkeı lıgasynda búgin, 4 jeltoqsanda, elordada Reseıdiń «Lokomotıv» (ıAroslavl) komandasyn qabyldady, dep habarlaıdy QazAqparat tilshisi.
Búgingi kezdesýde komandalar tartysty oıyn kórsetti. Elordalyq hokkeıshiler oın bastala salysymen alǵa qaraı umtyla tústi. Nátıjesinde 8-mınýtta «Barys» hokkeıshisi Anton Sagadeev esep ashty. Reseılik komanda birinshi kezeńde shabýylǵa shyqty. Dese de tablodaǵy esep ózgergen joq.
Ekinshi kezeńde qos komanda da bir-bir shaıbadan soqty. Oıynnyń 27-mınýtynda «Lokomotıv» hokkeıshisi Georgıı Ivanov tarazy basyn teńestirdi. Al 37-mınýtta elordalyq Mett Frettın qaıtadan «Barysty» alǵa shyǵardy. Elordalyq Lınýs Vıddel 59-mınýtta bos turǵan qaqpaǵa gol soǵyp, qorytyndy esepti belgiledi.
Aıta ketelik, 10 qarashada elordalyq klýb atalǵan qarsylasynan 2:7 esebimen jeńilip qalǵan edi. Sol joly ketken eseni «Barys» búgin qaıtardy.
Endi «Barys» 6 jeltoqsanda Reseıdiń «Vıtıaz» (Podolsk) komandasyn qabyldaıdy.
Esterińizge sala ketelik, budan buryn elordalyq klýb eki oıyn qatarynan jeńiske jetken bolatyn.
