Hokkeı: «Barys» - «Lev» matchy túnde ótedi
ASTANA. 18 qarasha. QazAqparat - Astana qalasynyń «Barys» hokkeı klýby syrt alańda «Lev» (Chehııa, Praga) komandasymen kezdesedi. Oıyn túngi saǵat 24:00-de bastalady.
Aıta keteıik, «Levtyń» Qurlyqtyq hokkeı lıgasyna qosylǵanyna kóp bolǵan joq. Sol sebepti osy ýaqytqa deıin eki komanda eki-aq ret kezdesken. Ol kezde «Barys» eki márte jeńiske jetti. Birinshi oıyn 4:2 esebimen aıaqtalsa, ekinshi matchta Astana qalasynyń hokkeı klýby óz qarsylasynan 5:1 bolyp basym túsken.
Bıylǵy chempıonat bastalǵaly beri atalǵan eki komanda áli kezdespegen. Lıganyń jalpytýrnırlik kestesinde «Barys» (56 upaı) úshinshi orynda tursa, «Lev» (42 upaı) on birinshi orynda keledi.
Aıta keteıik, «Barys» pen «Lev» arasyndaǵy oıyn túngi saǵat 24:00-de bastalady. Ony «KAZsport» telearnasy tikeleı efır arqyly kórsetpek.
