Hokkeı: «Barys» quramyna shvetsııalyq shabýylshy qosyldy
ASTANA. QazAqparat - Qazaqstandyq «Barys» hokkeı klýby shvetsııalyq Pontýs Obergpen bir jylǵa kelisim-shartqa otyrdy, dep habarlaıdy QazAqparat tilshisi.
Shvetsııalyq shabýylshymen bir jaqty kelisim-shart 2024 jyldyń 30 sáýirine deıin jasalǵan.
Pontýs Oberg 1993 jyldyń 23 qyrkúıeginde dúnıege kelgen. Ulttyq hokkeı lıgasynda «Neshvıll», «Anahaım» jáne «Toronto» komandalary sapynda 132 oıyn ótkizip qaıtty.
Al Qurlyqtyq hokkeı lıgasynda Reseıdiń «Traktor» (Chelıabınsk) komandasynyń namysyn qorǵady.
Elordalyq klýbqa kelgenge deıin Shveıtsarııanyń «Rappersvıl-Iona» klýby sapynda oınady.
Sondaı-aq, «Barys» byltyr komanda quramynda oınaǵan Egor Shalapov, Maıkl Shapıý, Dinmuhamed Qaıyrjan, Kırıll Savıtskıı, Djeremı Brakko, Aleksandr Vasılevıch, Tamırlan Gaıtamırov, Nelson Noje, Mıhaıl Rahmanov, Emıl Nurǵalıev, Aleks Grant, Roman Starchenko, Nıkıta Boıarkın, Ádil Beketaevpen kelisim-shart merzimin uzartty.
Al kanadalyq qaqpashy Edvard Paskýale «Barys» quramyna qaıta oraldy.
https://kaz.inform.kz/news/edvard-paskuale-barys-kuramyna-kayta-oraldy_a4085406
Eske salsaq, budan buryn «Barystyń» Tatarstanda ótetin týrnırdegi oıyn kestesi belgili boldy.
