Hokkeı: «Barys» quramyna fınlıandııalyq qorǵaýshy qosyldy
NUR-SULTAN. QazAqparat - Elordalyq «Barys» hokkeı klýby quramyna fınlıandııalyq qorǵaýshy Aleks Lıntýnıem qosyldy, dep habarlaıdy QazAqparat tilshisi.
Kelisimshart 2021 jyldyń 30 sáýirine deıin jasalǵan.
Oıynshy hokkeıdegi alǵashqy qadamyn óz elindegi HIFK komandasynda bastaǵan.
Odan keıingi jyldarda fınlıandııalyq kóptegen klýbtardyń jeıdesin kıdi. Sondaı-aq, amerıkandyq hokkeı lıgasynda sheberligin shyńdady.
Fınlıandııanyń jasóspirimder jáne jastar quramalarynda oıyn kórsetti. Bıyldan bastap óziniń ulttyq quramasyna shaqyrtý aldy.
2014 jyly Ulttyq hokkeı lıgasyndaǵy «Los Andjeles Kıngs» quramyna qabyldandy. 2020/2021 jylǵy kezeńdi ol fınlıandııalyq ıÝP komandasynda bastap 11 oıynda muz aıdynǵa shyqty.
Ol «Barys» hokkeı klýbynda 40 nómirli jeıdemen oıyn kórsetedi.
Esterińizge sala ketelik, elordalyq komandanyń shvetsııalyq qorǵaýshysy Vıktor Svedberg budan buryn oıyn barysynda jaraqat alyp qalǵan edi. Onyń birneshe kezdesýge qatysa almaıtyny belgili boldy.
Esterińizge sala ketelik, budan buryn «Barys» «Traktordy» jeńip, Shyǵys tobynda segizinshi orynǵa kóterilgen bolatyn.
