Hokkeı: «Barys» kósh sońyndaǵy komandany utty
ASTANA. QazAqparat - Qurlyqtyq hokkeı lıgasynyń kezekti matchyn «Barys» Vladıvostokta «Admıralmen» ótkizdi, dep habarlaıdy QazAqparat tilshisi.
«Admıral» kósh sońynda kele jatqan komanda bolǵanymen, bul oıyn astanalyqtarǵa ońaıǵa túsken joq.
Birinshi kezeń bastalysymen, 3-mınýtta-aq buryn «Barysta» oınaǵan Konstantın Glazachev esep ashty. Degenmen 16-mınýtta kanadalyq Patrıs Korme tarazy basyn teńestirdi.
Ekinshi kezeńde taǵy bir kanadalyq Darren Dıts esepti 2:1-ge jetkizdi.
Aıdyn ıeleri esepti teńestirýge tyrysqanymen, odan eshteńe ónbedi. Tipti qaqpashysyn altynshy oıynshyǵa aýystyrdy. Sol sátte P.Korme bos qalǵan qaqpany dál kózdep, oıyn núktesin qoıdy.
Osylaısha Andreı Skabelkanyń shákirtteri qatarynan úshinshi jeńisine qol jetkizdi. Qazirgi kezde «Barys» 50 upaımen Shyǵys konferentsııasynda burynǵysha besinshi orynda keledi. Elordalyqtar kelesi kezdesýin 10 jeltoqsan kúni Habarovskide jergilikti «Amýrmen» ótkizedi. «Amýr» da - kósh sońyndaǵy komandalardy biri. Ol 25 upaımen Shyǵys konferentsııasynda 12-inshi orynda tur.
Eske sala keteıik, budan buryn «Barystyń» «Traktordy» jeńgenin jazǵan bolatynbyz.
