Hokkeı: «Barys» kósh sońyndaǵy komandadan jeńildi
ASTANA. QazAqparat - Qurlyqtyq hokkeı lıgasynyń (QHL) kezekti oıynynda Astananyń «Barysy» óz aıdynynda «ıÝgra» (Hanty-Mansıısk) komandasyn qabyldap, 2:3 esebimen utylyp qaldy, dep habarlaıdy «QazAqparat» tilshisi.
Jańa jyldyń alǵashqy kúni «Barys» klýby Evgenıı Koreshkovty ornynan alyp tastaǵan bolatyn. «ıÝgramen» matchqa bas bapkerdiń mindetin atqarýshy Ǵalym Mámbetálıev alyp shyqty. Astanalyqtar Shyǵys konferentsııasynda onynshy satyda tursa, hanty-mansııskilik klýb kósh sońynda kele jatqan bolatyn.
Bul kezdesý aıdyn ıeleri úshin sátsiz bastaldy. 3-mınýtta-aq Aleksandr Ýgolnıkov Sergeı Kýdrıavtsev qorǵaǵan qaqpany dál kózdep, «ıÝgrany» alǵa shyǵardy. Sodan keıin ol 20-synshy jáne 26-mınýtta taǵy eki gol soǵyp, het-trıktiń avtory atandy. Qonaqtar munyń úsheýinde de san basymdylyǵyn qaltqysyz paıdalana bildi. Bul «Barys» oıynshylarynyń sheberligi óz aldyna, tártibi de aqsap turǵandyǵyn kórsetedi. Al elordalyqtar meımandar oıyn erejesin buzǵan kezde sonyń bireýinen de esh nátıje shyǵara almady.
Kezdesýdiń sońǵy bóliginde 42-mınýtta Roman Starchenko mergendik tanytty. Match bitýge jeti mınýttaı ýaqyt qalǵanda, «ıÝgranyń» qaqpashysy Ilıa Proskýrıakov oıyn tártibin buzyp, «Barys» san basymdylyǵyna ıe boldy. Muny birinshi bestik sátti paıdalanyp, Lınden Veı esepti qysqartty. Budan keıin S.Kýdrıavtsev qatarynan eki márte óz qaqpasyn aman alyp qaldy. «Barys» sanaýly sekýndtar qalǵanda, qaqpashysyn aýystyrǵanymen, tarazy basyn teńestirýge shamasy jetpedi.
Osylaısha, astanalyqtar óz aıdynynda kósh sońyndaǵy komandadan da utylyp qaldy. Sóıtip pleı-ofqa joldama alý múmkindiginen aıyryldy deýge bolady.
Aıta keteıik, elordalyqtar kelesi oıynyn 9 qańtar kúni Habarovskide Shyǵys konferentsııasynda 8-orynda turǵan «Amýr» komandasymen ótkizedi.
