Hokkeı: «Barys» komandasy «Slovanǵa» jol berdi
ASTANA. 25 qyrkúıek. QazAqparat - Keshe Slovakııa Bratıslava qalasynda kezekti oıynyn ótkizgen astanalyq «Barys» komandasy jergilikti «Slovan» hokkeı klýbynan utylyp qaldy.
Kezdesýdiń alǵashqy kezeńinde-aq «Barys» hokkeıshileri eki shaıbany jiberip qoıdy. Keıin esepti teńestirý úshin barynsha tyrysty. Biraq bizdiń legıoner Nıkolaı Antropovtyń qarsylastar qaqpasyna salǵan bir shaıbaǵa «slovandyqtar» taǵy bir nátıjeli shabýylmen jaýap berdi. Esep 3:1. Úshinshi kezeńde Dastın Boıd tarazy basyn 3:2-ge deıin jetkizdi. Alaıda slovak hokkeıshileri taǵy da alǵa shyqty. Qorytyndy esep - 4:2.
Aıta keteıik, sońǵy 9 oıynnyń qorytyndysy boıynsha «Barysta» 11 upaı bar.
