Hokkeı: «Barys» komandasy «Metallýrgpen» oınaıdy
NUR-SULTAN. QazAqparat - Qurlyqtyq hokkeı lıgasy aıasynda elordalyq «Barys» búgin, 7 aqpanda Reseıde «Metallýrg» (Magnıtogorsk) komandasymen kezdesedi, dep habarlaıdy QazAqparat tilshisi.
Oıyn astana ýaqytymen saǵat 18.00-de bastalyp, Qazsport telearnasynan tikeleı efırde kórsetiledi.
Eki komanda buǵan deıin bıylǵy týrnırde úsh márte kezdesti. Onyń ekeýinde «Metallýrg» elordada býllıtten 2:1, óz aıdynynda negizgi kezeńde 3:1 esebimen basym tústi. Al «Barys» atalǵan qarsylasyn elordada 3:2 esebimen tize búktirdi.
Aıta keterligi, eki komanda arasyndaǵy sońǵy tórt oıynynda olar eki-ekiden jeńiske jetti.
Eki komanda buǵan deıin 46 márte sheberlik baıqasty. Onyń 28-de «Barys» basymdyq tanytsa, qalǵanynda «Metallýrgtiń» mereıi ústem boldy.
Elordalyq klýb olardyń qaqpasyna 129 shaıba soqsa, óz qaqpasyna 114 gol jiberip aldy.
«Barys» sońǵy 10 kezdesýdiń 6-ýynda basymdyq tanytty. Týrnır kestesinde 53 oıynnan keıin 62 upaımen 12-orynda keledi.
Al «Metallýrg» sońǵy 10 oıynda 1 ret jeńildi. Týrnır kestesinde 53 oıynnan keıin 70 upaı jınap, 3-orynda tur.
Esterińizge sala ketelik, «Barys» budan buryn Reseıde «Sıbır» komandasynan basym tústi.
