Hokkeı: «Barys» klýby «Neftehımıkke» jol berdi
ASTANA. 18 qyrkúıek. QazAqparat - Keshe Qurlyqtyq hokkeı lıgasy aıasyndaǵy kezekti oıynyn ótkizgen «Barys» hokkeı klýby
óz aıdynynda «Neftehımık» komandasynan utylyp qaldy.
Qyzyqty da tartysty ótken bul oıynda «Barys» hokkeıshileriniń basymdyǵy birden baıqaldy. Oıynnyń alǵashqy kezeńinde olar qarsylastyń qaqpasyna qyrǵıdaı tıip, qarqyndy shabýaldaryn údete bildi. Biraq shaıba sala almady. Ekinshi kezeńde «Neftehımıktiń» hokkeıshileri esep ashty. Degenmen, oıynnyń aıaqtalýyna alty mınýt qalǵan kezde, Roman Starchenko tarazy basyn teńestirdi. Osy jerde bizdiń jigitter sál bosańsyp ketti. Ony utymdy paıdala bilgen qarlystartar kontrshabýyldy sheber oryndap, bir mınýttyń ishinde alǵa shyqty. Esep 1:2.
Úshinshi kezeńde «Barys» oıyndy óz qolyna aldy. Tórt mınýt ótpeı, qarsylastaryń qaqpashysyn qapy qaldyryp, esepti 2:2 bolyp teńestirdi. Alaıda alǵa shyǵa almady. Osymen úshinshi kezeń de aıaqtaldy.
Overtaımda «Barys» bir shaıbany jiberip qoıyp, «Neftehımıkke» jol berýge májbúr boldy. Esep 2:3. Osymen «Barys» besinshi ret jeńilip otyr.
