Hokkeı: «Barys» kezekti oıynyn syrt aıdynda «Traktormen» ótkizedi
NUR-SULTAN. QazAqparat – «Barys» Qurlyqtyq hokkeı lıgasyndaǵy kezekti oıynyn búgin Chelıabi qalasynda jergilikti «Traktormen» ótkizedi, dep habarlaıdy QazAqparat tilshisi.
«Traktor» komandasy 61 upaımen QHL-dyń jalpy kestesinde ekinshi orynda keledi.
Shyǵys konferentsııasynda 40 upaımen segizinshi satyda turǵan «Barys» ta bul oıynda baryn salatyny anyq.
Ótken týrda «Traktor» óz aıdynynda «Severstaldy» 6:1 esebimen tas-talqan etse, «Barys» Qazanda «Ak Barsqa» ese jiberdi – 3:5.
Búgin Anvar Gatııatýlın jattyqtyratyn «Traktor» klýby óziniń 74 jyldyǵyn atap ótedi. Sondyqtan ataýly kúnde aıdyn ıeleri jankúıerlerine jeńis syılaýǵa tyrysatyny belgili.
«Traktor» óz aıdynyndaǵy sońǵy tórt básekede «Barysqa» ese jiberdi. Degenmen bıylǵy maýsymda chelıabilik hokkeıshiler 5 qarashada Qazaqstan astanasynda elordalyq komandany overtaımda 5:4 esebimen jeńip ketti.
Match elorda ýaqytymen saǵat 18.00-de bastalyp, Qazsport telearnasynan tikeleı efırde kórsetiledi.
Eske sala keteıik, budan buryn «Barystyń» Qazanda «Ak Bars» komandasynan jeńilip qalǵanyn jazǵan bolatynbyz.
