Hokkeı: "Barys" Qazannyń "Aq barys" komandasynan utylyp qaldy
ANA. 25 aqpan. QazAqparat /Rýslan Ǵabbasov/ - Qurlyqtyq hokkeı lıgasynyń pleı-off kezeńinde Astananyń «Barys» komandasy syrt alańda Qazannyń «Aq barys» klýbynan 0:1 esebimen utylyp qaldy.
Keshe Qazanda ótken oıynda eki komanda da jaqsy oıyn órnegin kórsetti. Aıdyn ıeleri oıynnyń birinshi kezeńinde esep ashty. Alaıda keıingi eki kezeńinde astanalyq komandanyń hokkeıshileri qazandyqtarmen esepti teńestire almady.
Pleı-off aıasynda «Barys» pen «Aq barys» arasyndaǵy ekinshi kezdesý búgin, 25 aqpanda ótedi. Aıta keteıik, bul kezeńde komandalar úsh ret jeńiske jetkenshe oınaıdy. Bul serııa aıasyndaǵy úshinshi jáne tórtinshi oıyndar 27 aqpan jáne 28 aqpan kúnderi Astanada ótedi.
