Hokkeı:«Barys» qazandyq áriptesterimen saıysqa túsedi
ASTANA. 22 qańtar. QazAqparat /Rýslan Ǵabbasov/ - Keshe keshqurym Qurlyqtyq hokkeı lıgasy aıasynda Astanada ótken oıynda «Barys» Nıjnekamskiniń «Neftehımık» komandasynan utylyp qaldy.
Sonymen oıynnyń alǵashqy kezeńinde qos komanda arasynda shaıba úshin taıtalas bolǵanymen esh nátıje shyqpady. Bul tartysty dodanyń tek ekinshi kezeńiniń altynshy mınýtinde ǵana «Neftehımıktiń» hokkeıshisi Maksım Berezın esep ashty. Osy arada úsh mınýt ótkennen keıin qarsylas komandanyń kapıtany Andreı Ivanov alǵa ozyp shyǵyp, astanalyq komandanyń qaqpasyna ekinshi shaıbany saldy. Al «Barys» oıynshylary úshinshi kezeńde ǵana jalǵyz shaıbany salý múmkindigin júzege asyrdy. Negizgi oıynnyń qorytyndysy boıynsha astanalyqtar Nıjnekamsk hokkeıshilerinen 1:2 esebimen jeńilis tapty
«Barys» komandasynyń kelesi oıyny 23 qańtarda tegeýrindi qarsylas sanalatyn qazandyq «Aq Bars» komandasymen ótedi.
