Hokkeı: «Barys» Qazanda «Ak Bars» komandasynan jeńilip qaldy
Buǵan deıin Shyǵys konferentsııasynda «Ak Bars» komandasy (Reseı, Qazan qalasy) 53 upaımen tórtinshi orynda tursa, qorjynynda 40 upaıy bar «Barys» (Qazaqstan, Nur-Sultan qalasy) segizinshi satyǵa syrǵyp ketken edi.
Sońǵy oıyndaryn sátti ótkizgen «Neftehımık» (Nıjnekamsk) 41 upaı jınap, elordalyq klýbty basyp ozǵan bolatyn.
«Ak Bars» pen «Barys» bıylǵy maýsymda eki márte kezdesip, bir-birden jeńiske jetken edi.
Bul joly 10-mınýtta Artem Galımovtan shaıbany tartyp alǵan Egor Petýhov qaqpashy Tımýr Bılıalovtan aılasyn asyra almaǵanymen, ıAkob Berglýnd tez jetip úlgerip, «Barysty» alǵa shyǵardy. Alaıda eki mınýttan keıin qazandyq klýbtan Artem Lýkoıanov tarazy basyn teńestirdi – 1:1. Birinshi kezeń sońyna taman qonaqtar san basymdylyǵyn paıdalana almaǵanymen, aıyp ýaqyty bitisimen-aq 18-mınýtta Kodı Kýnık qaqpa aldyndaǵy qarbalas sátte ábjildik tanytty – 2:1.
Ekinshi taımda 30-mınýtta «Ak Bars» hokkeıshisi Kırıll Panıýkov san basymdylyǵyn múlt jibermedi. Degenmen 32-mınýtta Egor Petýhov «Barysty» qaıta alǵa shyǵardy – 3:2.
Úshinshi kezeńde ıA.Berglýnd alańnan qýylǵan sátte Dmıtrıı ıÝdın soqqan shaıba Djo Morroýdyń taıaǵyna tıip, qaqpaǵa kirip ketti. Sodan keıin aıdyn ıelerinen Djordan Ýıl jeke sheberligimen kózge tústi – 4:3. A.Lýkoıanov match núktesin qoıdy – 5:3.
ıÝrıı Mıhaılıstiń shákirtteri kelesi kezdesýin 25 jeltoqsanda Chelıabide jergilikti «Traktormen» ótkizedi.
Eske sala keteıik, budan buryn «Barystyń» «Avtomobılıst» komandasynan basym túskenin, Qazanda «Ak Barspen» kúsh synasatynyn jazǵan bolatynbyz.