Hokkeı: «Barys» Qazanda «Ak Bars» komandasymen kúsh synasady
NUR-SULTAN. QazAqparat – Qurlyqtyq hokkeı lıgasynyń kezekti matchynda elordalyq «Barys» Qazan qalasynda «Ak Bars» komandasymen kúsh synasady, dep habarlaıdy QazAqparat tilshisi.
Aıdyn ıeleri Shyǵys konferentsııasynda 53 upaımen tórtinshi orynda tursa, 40 upaıy bar «Barys» jetinshi satyda keledi.
Ótken týrda «Ak Bars» Qazanda Chelıabiniń «Traktoryn» 5:1 esebimen súrindirse, elordalyqtar Ekaterınbýrgte óziniń negizgi qarsylastarynyń biri «Avtomobılısti» utqan edi (2:0).
Bıylǵy maýsymda qos komandanyń eki márte joldary toqaılasty. Qazaqstan astanasynda 10 qazanda «Ak Bars» elordalyq klýbty 6:3 esebimen jeńse, keıin 6 jeltoqsanda ıÝrıı Mıhaılıstiń shákirtteri Qazanda ese qaıtarǵan edi - 2:1.
Ár konferentsııadan alǵashqy segiz komanda pleı-off básekesine joldama alatyndyqtan, ıÝrıı Mıhaılıs shákirtteri úshin bul kezdesý de mańyzdy bolmaq.
«Ak Bars» – «Barys» matchy Nur-Sultan ýaqytymen saǵat 22.30-da bastalyp, «Qazsport» telearnasynan tikeleı efırde kórsetiledi.
Eske sala keteıik, budan buryn «Barystyń» «Avtomobılıst» komandasynan basym túskenin jazǵan bolatynbyz.
