Hokkeı: «Barys» qatarynan ekinshi márte jeńiske jetti

ASTANA. QazAqparat – «Barys» Qurlyqtyq hokkeı lıgasyndaǵy kezekti oıynyn búgin Reseıde «Avtomobılıst» (Ekaterınbýrg) komandasyna qarsy ótkizdi, dep habarlaıdy QazAqparat tilshisi.

Kezdesý barysynda elordalyq hokkeıshiler belsendi qımyl kórsetti. Nátıjesinde olardyń qatarynan Anton Sagadeev 1, 2-mınýttarda eki gol soǵyp ketti. Oıynnyń 17-mınýtynda «Avtomobılıst» hokkeıshisi Sergeı Shırokov esep aıyrmasyn qysqartty.

Ekinshi kezeńde komandalar kóp gol soǵýymen erekshelendi. «Barys» sapynan Egor Petýhov 22, Dmıtrıı Shevchenko 26-mınýtynda mergendik tanytty. Odan keıin reseılik klýbtan Oleg Lı 34-mınýtta gol soqsa, elordalyq komandadan Djeremı Brakko 39-mınýtta kózdegen nysanadan múlt ketken joq.

Úshinshi kezeńde reseılik klýbtan Stefan De Kosta 44-mınýtta gol soqty.

Osylaısha «Barys» qarsylasynan 5:3 esebimen basym tústi. Elordalyq klýb qatarynan ekinshi márte jeńiske jetti.

Endi «Barys» aldaǵy oıynyn 23 qańtarda Reesıde «Metallýrg» (Magnıogorsk) komandasyna qarsy ótkizedi.

Eske salsaq, budan buryn «Barys» Reseıde «Traktor» komandasynan basym tústi.