Hokkeı: «Barys» qatarynan ekinshi márte jeńiske jetti
ASTANA. QazAqparat - «Barys» Qurlyqtyq hokkeı lıgasyndaǵy kezekti oıynyn búgin elordada Reseıdiń «Amýr» (Habarovsk) klýbyna qarsy ótkizdi, dep habarlaıdy QazAqparat tilshisi.
Kezdesý barysynda elordalyq komanda senimdi oıyn ótkizdi. Birinshi kezeńde komandalar bir-biriniń qaqpasyna bir shaıbadan engizdi. Aldymen elordalyq Nıkıta Mıhaılıs 7-mınýtta esep ashsa, oǵan «Amýr» hokkeıshisi Pavel Mahanovskıı 19-mınýtta bir golmen jaýap qaıyrdy.
Ekinshi kezeńde nebári bir mınýttan astam ýaqyt ishinde «Barys» hokkeıshileri qarsylas komanda qaqpashysyn úsh márte qapy qaldyryp ketti. Oıynnyń 26-mınýtynda Ansar Shaıhmeddenov mergendik tanytsa, 27-mınýtta ıÝrıı Sergıenko kózdegen nysanadan múlt ketken joq.
Al arada 37 sekýnd ótkende Lınden Veı esepti ústemeleı tússe, 42-mınýtta Egor Petýhov qorytyndy esepti belgiledi.
Osylaısha «Barys» qarsylasynan 5:1 esebimen basym tústi.
Endi elordalyq klýb aldaǵy oıynyn 17 qazanda elordada Reseıdiń «Torpedo» (Nıjnıı Novgorod) komandasyna qarsy ótkizedi.
Eske salsaq, budan buryn Reseıdiń «Admıral» komandasynan basym tústi.
