Hokkeı: «Barys» hokkeıshileri «Traktordy» ekinshi ret jeńdi

Bul oıynda Naıdjel Doýs erekshe kózge túsip, tórt (!) birdeı shaıbanyń avtory atandy. Hokkeıde ondaıdy «poker» deıdi. N.Doýsqa bundaı pokerdi iske asyrýǵa Brendon Bochenskı, Dastın Boıd, Roman Starchenko sııaqty shaıba sheberleri kómektesti. Al Alekseı Lıtvınenko esepti besinshi shaıbaǵa deıin jetkizdi. «Traktor» bolsa, úsh shaıbany qaıtara bildi. Alaıda ary qaraı asa almady. Oıynnyń qorytyndy esebi - 5:3. Endi, aqpannyń 25-26-sy kúnderi osy eki komanda Astanadaǵy «Qazaqstan» sport kesheninde taǵy eki oıyn ótkizedi.

Aıta keteıik, Qurlyqtyq hokkeı lıgasynyń pleı-off oıyndary aıasynda eki komanda birneshe kezdesý ótkizedi. Sonyń barysynda tórt ret jeńiske jetken komanda kelesi aınalymǵa ótedi.