Hokkeı: «Barys» hokkeı klýby «Slovandy» oısyrata utty
ASTANA. 18 qarasha. QazAqparat - Astana qalasynyń «Barys» hokkeı klýby syrt alańda «Slovan» (Slovakııa, Bratıslava) komandasyn oısyrata utty. Qorytyndy esep - 2:6.
Bul oıynda esep altynshy mınýtta ashyldy. «Barystyń» hokkeıshisi Roman Starchenko qarsylastar qaqpashysyn qapy qaldyryp, óz komandasyn alǵa shyǵardy. Bir mınýttyń ishinde tarazy basy teńesti. Alaıda birinshi kezeńniń aıaqtalýyna sanaýly sekýndtar qalǵanda, Naıdjel Doýs esepti eseledi. 1:2. Ekinshi kezeńde esep taǵy da teńesti. Biraq «Barys» úshinshi shaıbasyn soǵyp, qaıtadan alǵa shyqty. Úshinshi kezeńde qarsylastar Vıtalıı Eremeevtiń tasqamal qorǵanysyn esh buza almady. Al «Barystyń» hokkeıshileri «Slovannyń» qaqpasyna qatarynan úsh shaıba soqty. Qorytyndy esep - 2:6.
Aıta keteıik, buǵan deıingi eki oıynda «Barys» utylǵan bolatyn. Al osy joly tolyq úsh upaıǵa qol jetkizip, Qurlyqtyq hokkeı lıgasynyń jalpytýrnırlik kestesinde úshinshi ornyn saqtap qaldy.
