Hokkeı: «Barys» hokkeı klýby «Salavat ıÝlaevtan» basym tústi
ASTANA. 2 qarasha.QazAqparat - Astana qalasynyń «Barys» hokkeı klýby óz alańynda «Salavat ıÝlaev» (Bashqurtstan, Ýfa) komandasyn jeńdi.
Bul oıynda «Barys» birden eki shaıbamen alǵa shyqty. Birinshi kezeńde alǵashqy shaıbany Naıdjel Doýs salsa, Brendon Bochenskı esepti eseledi. Alaıda ekinshi kezeńde tarazy basy teńesti. Sodan úshinshi kezeńniń ortasyna deıin ózgermedi. Ol ýaqyttyń ishinde eki komanda esep aıyrmasyn óz paıdasyna sheshýge tyrysty. Bul arpalysta «Barystyń» joly boldy. B.Bochenskı taǵy bir shaıbany soǵyp, dýbldyń avtory atandy. Qorytyndy esep - 3:2.
Osy matchtan keıin «Barys» hokkeı klýby Shyǵys konferentsııasynda «Aq Barsty» (Qazan) artqa tastap, birinshi orynǵa shyqty. Al Qurlyqtyq hokkeı lıgasynyń jalpytýrnırlik kestesinde komanda 52 upaımen ekinshi orynǵa ornalasty.
Aıta keteıik, «Barystyń» kelesi oıyny 13 qarasha kúni ótedi. Oǵan deıin komanda hokkeıshileri demalady.
