Hokkeı: «Barys» elordada «Sıbır» komandasynan basym tústi

ASTANA. QazAqparat – Elordalyq «Barys» Qurlyqtyq hokkeı lıgasyndaǵy kezekti oıynyn astanada «Sıbır» (Novosıbırsk) klýbyna qarsy ótkizdi, dep habarlaıdy QazAqparat tilshisi.

Eki komanda buǵan deıin 43 márte kezdesti. Onyń 20-sy «Barystyń» basymdyǵymen aıaqtalsa, qalǵanynda reseılik klýbtyń mereıi ústem boldy.

Búgingi kezdesýde elordalyq hokkeıshiler alǵashqy mınýttan tizgindi óz qolyna alýǵa tyrysty. Oıynnyń 3-mınýtynda Djeremı Brakko esep ashsa, Egor Petýhov 16-mınýtta esepti ústemeleı tústi.

Ekinshi kezeńde reseılik hokkeıshiler tarazy basyn teńestirýge umtylǵan edi. Nátıjesinde kóptegen shabýyl uıymdastyrdy. Soǵan qaramastan, tablodaǵy esep ózgergen joq.

Osylaısha, «Barys» qarsylasyn 2:0 esebimen tize búktirdi.

Endi «Barys» elordada Reseıdiń «Avtomobılıst» (Ekaterınbýrg) komandasymen kezdesedi.

Eske salsaq, budan buryn «Barys» elordada «Avangardqa» ese jiberdi.