Hokkeı: «Barys» elordada Reseıdiń «Admıral» komandasymen kezdesedi
ASTANA. QazAqparat - «Barys» Qurlyqtyq hokkeı lıgasyndaǵy kezekti oıynyn búgin elordada Reseıdiń «Admıral» (Vladıvostok) klýbyna qarsy ótkizedi, dep habarlaıdy QazAqparat tilshisi.
Atalǵan oıyn búgin, 1 qarashada elorda ýaqytymen 19:30-da bastalyp, «Qazsport» telearnasynan tikeleı efırde kórsetiledi.
Eki komanda buǵan deıin 28 márte kezdesti. Onyń 16-sy «Barystyń» basymdyǵymen aıaqtalsa, qalǵanynda reseılik klýbtyń mereıi ústem boldy.
Qazir týrnır kestesinde jıyrma alty oıynnan keıin 25 upaıǵa qol jetkizgen «Barys» 15-orynda keledi.
Al, jıyrma bes oıynnan keıin 28 upaı jınaǵan «Admıral» 11-orynǵa jaıǵasqan.
Keıingi on kezdesýdiń altaýynda qazaqstandyq klýb jeńiske jetti.
Eske salsaq, budan buryn «Barys» hokkeı komandasy reseılik «Sıbır» klýbyn jeńip ketti.
