Hokkeı: «Barys» elordada TsSKA komandasynan jeńilip qaldy

ASTANA. QazAqparat – «Barys» Qurlyqtyq hokkeı lıgasyndaǵy kezekti oıynyn búgin elordada Reseıdiń TsSKA (Máskeý) komandasyna qarsy ótkizdi, dep habarlaıdy QazAqparat tilshisi.

Kezdesý barysynda reseılik komanda oıyndy belsendi bastady. Nátıjesinde olardyń tarapynan 11-mınýtta Matveı Gýskov esep ashyp ketti.

Ekinshi kezeńde Konstantın Okýlov 21-mınýtta TsSKA komandasynyń basymdyǵyn arttyra tústi. Odan keıin «Barys» sapynan Anton Sagadeev 21, Dmıtrıı Shevchenko 29-mınýttarda eki gol soǵyp, tarazy basyn teńestirdi.

Al 36-mınýtta reseılik Sergeı Plotnıkov qaıtadan TsSKA-ny alǵa shyǵarsa, 48-mınýtta Anton Slepyshev, 53-mınýtta Maksım Mamın esepti ulǵaıtty.

Osylaısha elordalyq klýb qarsylasyna 2:5 esebimen ese jiberdi.

Endi «Barys» aldaǵy oıynyn 14 qańtarda elordada Reseıdiń «Neftehımık» (Nıjnekamsk) komandasyna qarsy ótkizedi.

Eske salsaq, budan buryn elordalyq klýb «Admıraldan» jeńilip qaldy.

Foto: sports.kz