Hokkeı: «Barys» elordada «Calavat ıÝlaevqa» ese jiberdi
NUR-SULTAN. QazAqparat - Qurlyqtyq hokkeı lıgasy aıasynda «Barys» búgin, 30 qańtarda elordada Reseıdiń «Calavat ıÝlaev» (Ýfa) komandasymen kezdesti, dep habarlaıdy QazAqparat tilshisi.
Eki komanda buǵan deıin bıylǵy týrnırde úsh márte kezdesti. 2020 jyldyń 12 qazanynda Ýfada ótken oıynda «Barys» overtaımda 3:2 esebimen basym tússe, 22 qarashada «Calavat ıÝlaev» 4:1 esebimen tize búktirdi. Al 14 qańtarda elordada ótken matchta reseılik klýb 6:3 esebimen jeńiske jetti. Sondyqtan búgin «Barys» ese qaıtarýǵa kúsh salatyny anyq edi.
Birinshi kezeńde elordalyq hokkeıshiler jınaqy qımyl kórsetti. Qarsylastar qaqpasy mańynda jıi boı kórsetti. Nátıjesinde 3-mınýtta Kırıll Panıýkov «Barys» komandasyn alǵa shyǵardy. Al 12-mınýtta Nıkıta Mıhaılıs mergendigimen kózge tústi. Esep 2:0. Qazaqstandyq klýb alǵa shyqty.
Ekinshi kezeńde «Calavat ıÝlaev» tarazy basyn teńestirýge umtyldy. Degenmen oılaǵan maqsatyna jete almaı jatty. Esesine olardyń sapynan tórt hokkeıshi muzaıdyndaǵy dóreki qımylyna baılanysty aıyppen jazalandy.
Úshinshi kezeńde reseılik hokkeıshiler qatarynan eki shaıba soǵyp ketti. Aldymen Fılıp Larsen 50-mınýtta gol soqsa, 51-mınýtta Sakarı Mannınen tarazy basyn teńestirdi.
Negizgi kezeńde eki komanda 2:2 esebine qanaǵat bildirdi. Oıyn overtaımǵa ulasyp, jeńis shaıbasyn «Calavat ıÝlaev» oıynshysy Aleksandr Alekseev soǵyp ketti. Osylaısha «Barys» qarsylasynan 2:3 esebimen jeńilip qaldy.
Endi «Barys» elordada 1 aqpanda Reseıdiń «Avtomobılıst» (Ekaterınbýrg) komandasyn qabyldaıdy.
Esterińizge sala ketelik, budan buryn «Barys» óz aıdynynda «Neftehımık» komandasynan basym tústi.
