Hokkeı: «Barys» elordada «Ak Bars» komandasynan jeńildi
ASTANA. QazAqparat - «Barys» Qurlyqtyq hokkeı lıgasyndaǵy kezekti oıynyn búgin elordada «Ak Bars» (Qazan) komandasyna qarsy ótkizdi, dep habarlaıdy QazAqparat tilshisi.
Eki komanda da bıylǵy maýsymdy sátsiz ótkizip keledi.
Týrnır kestesinde otyz úsh oıynnan keıin 30 upaıǵa qol jetkizgen «Barys» 18-orynda keledi. Al otyz eki oıynnan keıin 32 upaı jınaǵan «Ak Bars» 16-orynǵa tur.
Sondyqtan komandalar úshin jeńiske jetý óte qajet bolatyn. Olardyń tarapynan jıi shabýyldar uıymdastyryldy.
Osyndaı sátterdiń birinde 3-mınýtta reseılik klýbtan Dmıtrıı Voronkov esep ashty. Birinshi kezeńde basqa gol soǵylǵan joq.
Ekinshi kezeńde «Barys» hokkeıshisi Álıhan Ásetov tarazy basyn teńestirdi.
Al úshinshi kezeńniń 45-mınýtynda «Ak Bars» taǵy da alǵa shyqty. Ony Vıacheslav Voınov óziniń enshisine jazdy.
Osylaısha «Barys» qarsylasyna 1:2 esebimen jol berdi.
Endi «Barys» aldaǵy oıynyn 25 qarashada elordada Reseıdiń «Spartak» (Máskeý) komandasyna qarsy ótkizedi.
Eske salsaq, budan buryn «Barys» elordada «Salavat ıÝlaevtan» basym tústi.
Foto: sports.kz
