Hokkeı: «Barys» ekinshi oıynda «Amýrdan» jeńildi
NUR-SULTAN. QazAqparat – Búgin Reseıde Qurlyqtyq hokkeı lıgasy aıasynda elordalyq «Barys» «Amýr» (Habarovsk) komandasymen kezdesti, dep habarlaıdy QazAqparat tilshisi.
Esterńizge sala ketelik, eki kún buryn eki komanda Habarovskide bir oıyn ótkizdi. Bul oıynda «Barys» býllıtten 5:4 esebimen basym túsken edi.
«Amýr» hokkeıshileri sol ketken eseni qaıtarýǵa tyrysty. Kezdesý basynan saýatty oıyn kórsetti. Nátıjesinde olardyń qatarynan 9-mınýtta Kırıll Rasskazov esep ashyp ketti. Al 17-mınýtta «Amýr» sapynan Gınek Zagorna esepti ústemeleı tústi.
Gınek Zagorna 21-mınýtta taǵy bir márte mergenlik tanytsa, 32-mınýtta Aleksandr Gorshkov «Barys» qaqpasyn dál kózdedi.
Úshinshi kezeńniń 41-mınýtynda elordalyq klýb qatarynan Darren Dıts esep aıyrmasyn qysqartty. Budan keıin qazaqstandyq klýbtyń gol soǵatyn birneshe múmkindigi boldy. Jeńis shaıbasyn 59-mınýtta «Amýr» hokkeıshisi Vladımır Býtýzov soqty. Osylaısha «Barys» qarsylasynan 1:5 esebimen jeńilip qaldy.
«Barys» budan keıin 8 qańtarda Ekaterınbýrgte «Avtomobılıstpen» muz aıdynǵa shyǵady. Odan keıin 12 qańtarda elordada Reseıdiń «Ak Bars» (Qazan) komandasyn qabyldaıdy.
