Hokkeı: «Barys» ekinshi márte «Saryarqadan» basym tústi
NUR-SULTAN. QazAqparat - Elordalyq «Barys» búgin Qaraǵandynyń «Saryarqa» komandasymen ekinshi joldastyq kezdesý ótkizdi, dep habarlaıdy QazAqparat.
Oıyn barysynda elordalyq komanda shabýyl shebinde jıi boı kórsetti. Nátıjesinde qarsylastar qaqpasyna alty shaıba soǵyp, óz qaqpasyna bir shaıba jiberip aldy.
Oıynnyń birinshi kezeńinde Egor Petýhov «Barysty» alǵa shyǵardy. Odan keıin «Saryarqa» sapynan Nıkıta Anohın tarazy basyn teńestirdi. Kóp uzamaı elordalyq hokkeıshi Darren Dıts mergendik tanytty.
Úshinshi kezeńde «Barys» qatarynan tórt shaıba soǵyp ketti. Gol soqqandar qatarynda Valerıı Orehov, Nıkıta Gýgrkov, Pavel Akolzın jáne Egor Petýhov bar.
Osylaısha elordalyq komanda «Saryarqany» 6:1 esebimen tize búktirdi. Eki kún buryn «Barys» olardan 8:2 esebimen basym túsken bolatyn.
Esterińizge sala ketelik, «Barys» budan buryn Óskemenniń «Torpedo» klýbymen eki márte joldastyq kezdesý ótkizdi. Alǵashqysynda 1:2 esebimen jeńilip, ekinshi oıynda 6:4 esebimen basym tústi.
Al 31 tamyzǵa josparlanǵan Reseıdiń «Avtomobılıst» (Ekaterınbýrg) komandasymen joldastyq kezdesý ótkizilmeıtin boldy.
Qurlyqtyq hokkeı lıgasyndaǵy alǵashqy oıynyn «Barys» 3 qyrkúıekte Latvııada «Dınamo» (Rıga) komandasyna qarsy ótkizedi.
