Hokkeı: «Barys» «Dınamodan» jeńilip qaldy
NUR-SULTAN. QazAqparat - Elordalyq «Barys» qurlyqtyq hokkeı lıgasy pleı-off satysyna daıyndyq maqsatynda reseılik «Dınamo» (Máskeý) komandasymen taǵy bir márte joldastyq kezdesý ótkizdi, dep habarlaıdy QazAqparat tilshisi.
Bul kezdesýde elordalyq klýb sapynan Egor Petýhov (15-mınýt), Nıkıta Mıhaılıs (42-mınýt) jáne Arkadıı Shestakov (56-mınýt) soqqan úsh golǵa másekeýlik klýb alty golmen jaýap qaıyrdy. Osylaısha «Barys» qarsylasyna 3:6 esebimen ese jiberdi.
Eske salsaq, budan buryn qazaqstandyq klýb 22 aqpanda joldastyq kezdesýde «Dınamo» (Máskeý) komandasyn býllıtten 4:3 esebimen basym tústi.
Sondaı-aq, qazaqstandyq klýb 21 aqpanda reseılik «Spartak» komandasynan 7:2 esebimen tize búktirdi.
«Barys» qurlyqtyq hokkeı lıgasynyń pleı-off satysynyń birinshi kezeńinde Reseıdiń «Metallýrg» (Magnıtogorsk) komandasymen sheberlik baıqasady.
Oıyndar 1-13 aqpan aralyǵynda bolady. Jeńimpaz bir komandanyń tórt márte jeńiske jetýine deıin jalǵasady.
