Hokkeı: «Barys» býllıtte «Ak Bars» komandasynan basym tústi

ASTANA. QazAqparat - «Barys» Qurlyqtyq hokkeı lıgasyndaǵy kezekti oıynyn búgin elordada «Ak Bars» (Qazan) komandasyna qarsy ótkizdi, dep habarlaıdy QazAqparat tilshisi.

Kezdesý barysynda qazaqstandyq hokkeıshiler alǵashqy kezeńde basym oınady. Nátıjesinde birinshi kezeńde Arkadıı Shestakov 8, Aleks Grant 16-mınýttarda mergendik tanytty.

Ekinshi kezeńde «Ak Bars» sapynan Nıkıta Dynıak 30-mınýtta esep aıyrmasyn qysqartty.

Al reseılik Kırıll Petrov 55-mınýtta tarazy basyn teńestirdi. Oıyn overtaımǵa ulasty. Overtaımda jeńimpaz anyqtalǵan joq. Býllıtte «Barys» basymdyq tanytty.

Osylaısha qazaqstandyq klýb qarsylasynan 3:2 esebimen basym tústi.

«Barys» endigi oıynyn 19 jeltoqsanda Reseıde «Neftehımık» (Nıjnekamsk) komandasyna qarsy ótkizedi.

Eki komanda buǵan deıin 46 márte kezdesti. Onyń 10-y «Barystyń» basymdyǵymen aıaqtalsa, qalǵanynda reseılik klýbtyń mereıi ústem boldy.

Eske salsaq, budan buryn «Barys» elordada «Salavat ıÝlaevtan» basym tústi.

Foto: sports.kz