Hokkeı: «Barys» býllıt serııasynda «Avtomobılıske» ese jiberdi
ASTANA. QazAqparat - Qurlyqtyq hokkeı lıgasynyń (QHL) kezekti oıynyn Astananyń «Barysy» óz aıdynynda Ekaterınbýrgtiń «Avtomobılıst» komandasymen ótkizdi, dep habarlaıdy «QazAqparat» tilshisi.
Kezinde «Barysty» ári Qazaqstan quramasyn jattyqtyrǵan Vladımır Krıkýnov baptaıtyn «Avtomobılıst» komandasy pleı-off básekesine joldama alý máselesin sheship qoısa, «Barys» budan shet qalǵan bolatyn. Soǵan qaramastan, kezdesý tartysty órbidi. Birinshi kezeńde 6-mınýtta Kevın Dallman aıdyn ıelerin alǵa shyǵarsa, oıynnyń ekinshi bóliginde «Avtomobılısten» Per-Aleksandr Parento tarazy basyn teńestirdi.
Úshinshi, sheshýshi kezeńde «Barystyń» kapıtany Naıdjel Doýstyń soqqan golyna match sońyna taman baryn salǵan qonaqtardan Alekseı Vasılevskıı jaýap qaıyrdy.
Overtaım eshqandaı nátıje bermegennen keıin býllıt serııasynda «Avtomobılıst» oıynshylary mergendik tanytty. Osylaısha, bul oıynda 3:2 esebimen basymdylyq tanytqan «Avtomobılıst» eki, «Barys» bir ǵana upaıǵa ıe boldy.
Aıta keteıik, 71 upaımen Shyǵys konferentsııasynda burynǵysha onynshy orynda kele jatqan Ǵalym Mámbetálıevtiń shákirtteri kelesi kezdesýin 28 qańtar kúni Beıjińde «Kýnlýn Red Star» komandasymen ótkizedi. Sodan keıin bir ǵana oıyny qalady.
