Hokkeı: «Barys» búgin «Sochı» komandasymen kezdesedi

NUR-SULTAN. QazAqparat - Elordalyq «Barys» Qurlyqtyq hokkeı lıgasyndaǵy kezekti oıynyn Reseıde «Sochı» klýbyna qarsy ótkizedi, dep habarlaıdy QazAqparat tilshisi.

Atalǵan oıyn elorda ýaqytymen 22:30-da bastalyp, «Qazsport» telearnasynan tikeleı efırde kórsetiledi.

Eki komanda buǵan deıin 16 márte kezdesti. Onyń 10-y «Barystyń» basymdyǵymen aıaqtalsa, qalǵanynda reseılik klýbtyń mereıi ústem boldy.

Qazir týrnır kestesinde úsh oıynnan bir upaıǵa qol jetkizgen «Barys» 20-orynda keledi. Al úsh oıynnan keıin upaı almaǵan «Sochı» 22-oryndy mise tutyp tur.

2021 jyldyń 16 qarashasynda ótken oıynda «Sochı» 5:2 esebimen basym tússe, elordada «Barys» sol jyldyń 9 jeltoqsanynda olardan dál sondaı eseppen basym tústi.

Aıta ketsek, budan keıin «Barys» elordada 13 qyrkúıekte «Traktor» (Chelıabınsk) komandasyn qabyldaıdy.

Eske salsaq, budan buryn elordalyq klýb úsh oıynda qarsylastaryna ese jiberip qoıdy.