Hokkeı: «Barys» búgin «Severstal» komandasymen kezdesedi

ASTANA. QazAqparat - Elordalyq «Barys» búgin Qurlyqtyq hokkeı lıgasyndaǵy kezekti oıynyn Reseıde «Severstal» (Cherepovets) klýbyna qarsy ótkizedi, dep habarlaıdy QazAqparat tilshisi.

Atalǵan oıyn elorda ýaqytymen 20:30-da bastalyp, «Qazsport» telearnasynan tikeleı efırde kórsetiledi.

Eki komanda buǵan deıin 27 márte kezdesti. Onyń 15-i «Barystyń» basymdyǵymen aıaqtalsa, qalǵanynda reseılik klýbtyń mereıi ústem boldy.

Qazir týrnır kestesinde toǵyz oıynnan 9 upaıǵa qol jetkizgen «Barys» 14-orynda keledi. Al toǵyz oıynnan keıin 9 upaı jınaǵan «Avtomobılıst» 15-orynǵa jaıǵasqan.

Sońǵy on kezdesýdiń jeteýinde qazaqstandyq klýb jeńiske jetti. 2021 jyldyń 24 qazanynda elordada ótken kezdesýde «Barys» 2:3 esebimen jeńilse, sol jyldyń 20 qarashasynda syrt aıdynda overtaımda 4:3 esebimen tize búktirdi.

Eske salsaq, budan buryn «Barys» elordada «Avtomobılısten» basym tústi.

Foto: hcbarys.kz