Hokkeı: «Barys» búgin Reseıdiń «Torpedo» klýbymen kezdesedi
ASTANA. QazAqparat - «Barys» Qurlyqtyq hokkeı lıgasyndaǵy kezekti oıynyn búgin elordada Reseıdiń «Torpedo» (Nıjnıı Novgorod) klýbyna qarsy ótkizedi, dep habarlaıdy QazAqparat tilshisi.
Atalǵan oıyn búgin, 17 qazan kúni elorda ýaqytymen 19:30-da bastalyp, «Qazsport» telearnasynan tikeleı efırde kórsetiledi.
Eki komanda buǵan deıin 37 márte kezdesti. Onyń 21-i «Barystyń» basymdyǵymen aıaqtalsa, qalǵanynda reseılik klýbtyń mereıi ústem boldy.
Qazir týrnır kestesinde on toǵyz oıynnan keıin 21 upaıǵa qol jetkizgen «Barys» 12-orynda keledi.
Al, on jeti oıynnan keıin 23 upaı jınaǵan «Torpedo» 6-orynǵa jaıǵasqan.
Keıingi on kezdesýdiń altaýynda qazaqstandyq klýb jeńiske jetti.
Eske salsaq, budan buryn Reseıdiń «Amýr» (Habarovsk) klýbynan basym tústi.
