Hokkeı: «Barys» búgin Reseıdiń «Admıral» klýbymen kezdesedi

ASTANA. QazAqparat - «Barys» Qurlyqtyq hokkeı lıgasyndaǵy kezekti oıynyn búgin elordada Reseıdiń «Admıral» (Vladıvostok) klýbyna qarsy ótkizedi, dep habarlaıdy QazAqparat tilshisi.

Atalǵan oıyn búgin, 13 qazan kúni elorda ýaqytymen 19:30-da bastalyp, «Qazsport» telearnasynan tikeleı efırde kórsetiledi.

Eki komanda buǵan deıin 27 márte kezdesti. Onyń 15-i «Barystyń» basymdyǵymen aıaqtalsa, qalǵanynda qytaılyq klýbtyń mereıi ústem boldy.

Qazir týrnır kestesinde on jeti oıynnan keıin 17 upaıǵa qol jetkizgen «Barys» 13-orynda keledi.

Al, on jeti oıynnan keıin 16 upaı jınaǵan «Admıral» 17-orynǵa jaıǵasqan.

Keıingi on kezdesýdiń beseýinde qazaqstandyq klýb jeńiske jetti.

Eske salsaq, budan buryn «Barys» elordada «Kýnlýn Red Star» komandasynan jeńildi.

Foto: hcbarys.kz